डबल कमाई

मोदी जी ने
काती पूनी
चंद्रमणि के
धान थे चौपट
लेकिन आय
हो गई दूनी

और किसान
अब पूछ रहे हैं
मुंह में उंगली
कूच रहे हैं
"यो कै गुंताडा़
सै भाई?
चंद्रमणी की
डबल कमाई
म्हारे हाथ
लागत वी न आई

टैक्टर के
चावी ला
दिल्ली चालांगे
शाह मोदी ने
खत घालांगे
एक लुगाई की
डबल कमाई
कैसे होगी
बता रे भाई?

हमने वी दे
बता वो नुस्खा
जिसका तन्ने
पड़ रैया चस्का
मौज काटता
हांडी ज्या सै
हमने मारे
फौका मस्का

म्हारे गन्ने खातर
पीसा कौणी
चंद्रमणी चंद्रमणी
टीवी पै हो री
बिजली पानी
खेत में कौणी
धान रोप दें
ईसा कौणी

माल और मिहनत
पल्ले से लांवें
पूरा देश तद
रोटी खावै
तूं कै झूठे
लारे लावै
बोझ ब्याज का
बढ़ता जावै
रोज मुनीम
घर पै आवै
बैंक मुनादी
करके जावै
एक भाई ने
फांसी ला ली
खेत खलिहान
दोनों से खाली
जो कर्जा माफ
न करे कसाई
वो कै करगा
डबल कमाई

फिटनस चैलेंज
तन्ने देवां
बात खरी सै
मुंह पै कहवां
चंद्रमणी के
खेत म्ह जइये
घरां का हाल
वी देखता आइये
फिर जय शाह से
तू पूछना भाई
कैसे होती
डबल कमाई???

#सुधीर_राघव

Comments